Regjistrimi
Regjistrimi i individit të vetëpunësuar
Regjistrimi i individit të vetëpunësuar që do të angazhohet në furnizimin e çdo lloj shërbimi apo në veprimtari të tjera profesionale, të ndryshme nga veprimtaria tregtare, bëhet në QKB nëpërmjet portalit e-albania, sipas linkut: https://e-albania.al/ServiceDetails/15356
Pas regjistrimit të personit fizik në QKB, nëpërmjet portalit e-Albania, të dhënat e tij përcillen automatikisht në administratën tatimore dhe regjistrimi në organet tatimore kryhet automatikisht.
Regjistrimi i individit tregtar
Regjistrimi i individit tregtar bëhet në QKB nëpërmjet portalit e-albania, sipas linkut: https://e-albania.al/ServiceDetails/15356
Pas regjistrimit të personit fizik në QKB, nëpërmjet portalit e-Albania, të dhënat e tij përcillen automatikisht në administratën tatimore dhe regjistrimi në organet tatimore kryhet automatikisht.
Regjistrimi i fermerit
Regjistrimi i fermerit bëhet në Administratën Tatimore, në njërën nga mënyrat si më poshtë:
-
- pranë Drejtorisë Rajonale Tatimore në juridiksionin e së cilës ndodhet vendushtrimi i aktiviteteti të tij,
- nëpërmjet portalit e-albania, sipas linkut: https://e-albania.al/ServiceDetails/13938
Dokumentet që kërkohen për regjistrimin pranë DRT-së:
- Formulari i aplikimin për regjistrim i plotësuar dhe i nënshkruar nga fermeri (modeli me link)
- Fotokopje të Kartës së Identitetit ose të Pasaportës të fermerit
- Vërtetimin origjinal lëshuar prej Drejtorisë Rajonale të Bujqësisë, Zhvillimit Rural dhe Administrimit të Ujërave, në bazë të të cilit vërtetohet aktiviteti prodhues bujqësor i fermerit.
- Adresa e banimit dhe kontaktet të fermerit
- Vendi i ushtrimit të veprimtarisë prodhuese bujqësore;
- Fusha e veprimtarisë prodhuese bujqësore, ku nëse fermeri, kryen disa veprimtari prodhuese bujqësore, atëherë citohen disa duke filluar nga ajo, që mban peshën kryesore;
- Specimeni i nënshkrimit (firmës) të fermerit.
Regjistrimi i kryefamiljarit
Regjistrimi i kryefamiljarit bëhet në Administratën Tatimore, në njërën nga mënyrat si më poshtë:
- pranë Drejtorisë Rajonale Tatimore në juridiksionin e së cilës ndodhet vendbanimi i tij,
- nëpërmjet portalit e-albania, sipas linkut: https://e-albania.al/ServiceDetails/13938
Dokumentet që kërkohen për regjistrimin pranë DRT-së:
- Kërkesë me shkrim;
- Fotokopje të Kartës së Identitetit ose të Pasaportës të kryefamiljarit;
- Kopje e marrëveshjes së punës, të nënshkruar nga kryefamiljari dhe punëtori i shtëpisë, në të cilën përfshihet numri i identifikimit të punëtorit, data e fillimit të punës, kohëzgjatja e punës dhe paga mujore bruto.
Regjistrimi i ambulantit
Regjistrimi i ambulantit bëhet në Administratën Tatimore, në njërën nga mënyrat si më poshtë:
- pranë Drejtorisë Rajonale Tatimore nën juridiksionin e së cilës ndodhet vendushtrimi i aktivitetit të tij,
- nëpërmjet portalit e-albania, sipas linkut: https://e-albania.al/ServiceDetails/13938
Dokumentet që kërkohen për regjistrimin pranë DRT-së:
- Kërkesë me shkrim;
- Fotokopje të Kartës së Identitetit ose të Pasaportës të personit të vetëpunësuar;
- Formularin e regjistrimit të plotësuar;
- Lejen nga bashkia nën juridiksionin territorial dhe administrativ, që i vetëpunësuari lejohet të tregtojë në vende publike të përcaktuara paraprakisht nga Bashkia dhe që ushtron aktivitetin në njësi tregtimi të vetme dhe të lëvizshme.
Regjistrimi i Përfaqësuesit Tatimor
Regjistrimi i përfaqësuesit tatimor bëhet në Administratën Tatimore, në njërën nga mënyrat si më poshtë:
- pranë Drejtorisë Rajonale Tatimore në juridiksionin e së cilës ndodhet vendushtrimi i aktiviteteti të tij,
- nëpërmjet portalit e-albania, sipas linkut: https://e-albania.al/ServiceDetails/13938
Përfaqësuesi tatimor duhet të regjistrohet brenda 5 (pesë) ditëve nga data e emërimit si përfaqësues tatimor dhe, në çdo rast, përpara fillimit të detyrimit ligjor të personit jorezident në Republikën e Shqipërisë.
Dokumentet që kërkohen për regjistrimin pranë DRT-së:
- Vendimi ose prokura për emërimin e përfaqësuesit tatimor;
- Kopje e vërtetuar e marrëveshjes së përfaqësimit;
- Kopje e vërtetuar e certifikatës së regjistrimit tatimor të personit jorezident, të lëshuar nga autoriteti tatimor i vendit të rezidencës, e cila vërteton se personi jorezident është aktiv. Certifikata duhet të jetë lëshuar jo më herët se 3 muaj përpara datës së aplikimit për regjistrim.
