Tatimet: Gjenerohen këstet e parapagimeve për 3-mujorin e parë 2025, sipas përgjegjësive të reja tatimore

Në zbatim të ligjit ri të “Tatimit mbi të Ardhurat, Administrata Tatimore ju njofton se në sistemin elektronik tatimor janë reflektuar ndryshimet në këstet e parapagimeve, sipas përgjegjësive të reja, për 3-mujorin e parë të vitit 2025.
Të gjithë tatimpaguesit, që kanë pasur një plan parapagimi ekzistues në vitin 2024, kanë të gjeneruara në e-Filing këstet paraprake të tatimit mbi të ardhurat, sipas 2 përgjegjësive të reja tatimore.

Përkatësisht:

• Tatimit mbi të Ardhurat e Korporatës (TAK) për entitetet
• Tatimit mbi të Ardhurat Personale nga Biznesi për personat fizikë

Kujdes!
Baza e përllogaritjes së kësteve është e njëjtë, nuk ka ndryshuar.

Ju mund të shkarkoni urdhërpagesat dhe të vijoni me pagesën e tyre në çdo bankë të nivelit të dytë apo në sportelet e Postës Shqiptare.